Təşkilati İdarəetmə haqqında Əsasnamə Təşkilati İdarəetmə haqqında Əsasnamənin hazırlanmasında xüsusi rolu olmuş işçi qrupuna, Birliyin İdarə heyətinin üzvləri Mikayıl Zeynalov və Vüsal Verdiyevə, Birliyin sədri Müşfiq Cəfərova, üzvləri Rəşid Əliyev və Emin Hüseynova və həmçinin Counterpart İnternational təşkilatının həyata keçirdiyi Vətəndaş Cəmiyyəti Layihəsinin təşkilati inkişaf istiqamətində iş aparan heyyət üzvləri Anar Aslanova və Sevinc Məmmədovaya "Gələcəyə Körpü" Gənclər İctimai Birliyinin adından xüsusi təşəkkürümüzü bildiririk!!! Bu sənədin vəzifəsi Təşkilati İdarəetmə haqqında Əsasnamə "Gələcəyə Körpü" Gənclər İctimai Birliyinin idarə edilməsinin əsaslarını, prinsiplərini və qaydasının müəyyənləşdirir. Bu sənəd Azərbaycan Respublikasının Konstitusiyasına, "Qeyri-hökumət Təşkilatları" haqqında Azərbaycan Respublikasının Qanununa və Azərbaycan Respublikasının digər hüquqi-normativ aktlarına, eləcədə Birliyin Nizamnaməsinə uyğun olaraq tərtib edilmişdir. I. Ümumi müddəalar 1. Gələcəyə Körpü Gənclər İctimai Birliyi 1.1 Gələcəyə Körpü Gənclər İctimai Birliyi (bundan sonra "Birlik") Nizamnaməsində müəyyən olunmuş məqsədlərlə ümumi maraqlar əsasında birləşmiş könüllülük, özünüidarəetmə və üzvlərin hüquq bərabərliyi prinsipləri əsasında yaradılan, öz fəaliyyətinin əsas məqsədi kimi gəlir əldə etməyi nəzərdə tutmayan və əldə edilmiş gəliri öz üzvlərinin arasında bölməyən qeyri-hökumət təşkilatıdır. 1.2 Birliyin fəaliyyət dairəsi Azərbaycan Respublikasının bütün ərazisini əhatə edir 2. Birliyin məqsədi və fəaliyyəti 2.1 Birliyin fəaliyyətinin məqsədi gənclər arasında humanizmin,inteqrasiyanın, fikir-mübadiləsinin vətənpərvərliyin təbliğ edilməsindən, gənclərin layiqli vətəndaş ruhunda böyüməsinə kömək etməkdən ibarətdir 2.2 Birlik məqsədlərə çatmaq üçün aşağıdakı vəzifələri(fəaliyyətləri) həyata keçirir: a) gənclər arasında humanizm ideyalarının təbliğ etmək b) gənclərin asudə vaxtlarının səmərəli təşkil etmək c) əhalinin aztəminatlı hissəsinə maddi yardım etmək ç) gəncləri ekoloji problemlərin həllinə yönələn tədbirlərə cəlb etmək d) əlil, kimsəsiz gənclərin və digər ehtiyaclı əhali təbəqəsinin işlə təmin edilməsinə kömək etmək e) gənclər arasında vətənpərvərik işinin aparılması ə) milli, bəşəri dəyərlərin öyrənilməsi və təbliği 3. Birliyin İdarə orqanları 3.1 Birlik bu Əsasnamə, özünün Nizamnaməsi, eləcədə digər qüvvədə olan hüquqi-normativ aktlar əsasında yaradılmış öz orqanları tərəfindən idarə olunur 3.2 Birliyin orqanları Ümumi Yığıncaq, İdarə Heyəti və onun Sədri, Sədr müavini, Nəzarət-Təftiş Komissiyası, eləcədə bu Əsasnamə, Birliyin Nizamnaməsi əsasında yaradılmış digər orqanlardan ibarətdir 3.3 Birliyin orqanlarının fəaliyyətinə qeyri qanuni müdaxilə, həmçinin bu Əsasnamə, Birliyin Nizamnaməsi, eləcədə digər qüvvədə olan Azərbaycan Respublikasının hüquqi-normativ aktlarla nəzərdə tutulmayan qaydada fövqəladə orqanların yaradılması qadağandır 4. Birliyin idarə edilməsinin əsas prinsipləri 4.1 Birliyin idarəçiliyi qanun qarşısında bərabərlik, individuallıq və kollektivlik əsaslarının tutuşdurulması, qanunçuluq və təşəbbüskarlıq, şəffaflıq və cavabdehlik prinsipləri əsasında həyata keçirilir 4.1.1 Hər kəs bu Əsasnamə və Birliyin Nizamnaməsi qarşısında bərabərdir. Heç kəs mənsub olduğu dininə, dilinə, irqinə, milliyyətinə, cinsinə, əmlak mövqeyinə, əqidəsinə, siyasi baxışlarına və digər xüsusiyyətlərinə görə diskriminasiya edilə və ya başqa formada qeyri-əlverişli şəraitə salına bilməz 4.1.2 Birliyin idarə olunması individuallıq və kollektivlik əsasları tutuşdurulmalı və Birliyin effektiv idarəçiliyi təmin olunmalıdır. Bütün səlahiyyətlərin yalnız bir şəxsə və ya bir orqana həvalə edilməsinə yol verilmir 4.1.3 Birliyin idarə olunması qanunçuluq prinsiplərinə əsaslanmalıdır. Birliyin bütün orqanları və səlahiyyətli şəxsləri öz fəaliyyətində Azərbaycan Respublikasının Konstitusiyasını, Azərbaycan Respublikasının qanunlarını və digər normativ-hüquqi aktları, Birliyin Nizamnaməsini, bu Əsasnaməni və Birliyin digər qüvvədə olan daxili qaydalarını rəhbər tutmalıdır 4.1.4 Birliyin idarəçiliyində təşəbbüskarlıq dəstəklənməlidir. Birliyin təsisçiləri, üzvləri və köməkçiləri tərəfindən verilən və Birliyin, eləcədə onun fəaliyyətinin inkişafına yönələn təşəbbüslər Birliyin orqanları və vəzifəli şəxsləri tərəfindən müzakirə olunmalıdır 4.1.5 Birliyin orqanları öz fəaliyyətinin şəffaf aparmalı, gördüyü işlər barədə daxili qaydalarla müəyyən olunmuş qaydada hesabat verməlidir 4.2 Hər kəs Birliyinin orqanlarının və onun vəzifəli şəxslərinin fəaliyyətini tənqid etmək hüququ vardır. Tənqidə görə hər hansı formada təqib qadağandır. II. Ümumi Yığıncaq 5. Ümumi Yığıncaq və onun funksiyası 5.1 Birliyin ali orqanı ildə bir dəfədən az olmayaraq çağırılan üzvlərin Ümumi Yığıncağıdır (Bundan sonra "Yığıncaq"). 5.2 Yığıncağın əsas funksiyası onun marağı naminə yarandığı məqsədlərə riayət etməkdir 6. Yığıncağın Çağırılma qaydası 6.1 Birliyin növbəti Yığıncağı İdarə Heyəti müəyyənləşdirildiyi vaxtda çağırılır 6.2 Yığıncağın çağırılması təşəbbüsü aşağıdakı şəxslərə də məxsusdur: a) Birliyin təsisçilərindən biri b) Birliyin üzvlərinin üçdə bir hissəsi
c)
Birliyin İdarə Heyəti. İdarə Heyəti tərəfindən
Yığıncağın çağırılması təşəbbüsünün irəli sürülməsi onun
qərarları qəbul edilməsinin ümumi ç) Birliyin Sədri 6.3 Yığıncaq yalnız Birlik üzvlərinin yarsından çoxu iştirak etdikdə səlahiyyətli sayılır 6.4 Yığıncağın çağırılması Birliyin Sədri tərəfindən həyata keçirilir. 6.5 Birliyin təsisçilərinə, üzvlərinə və maraqları toxunulan digər şəxslərə Yığıncağın yeri və vaxtı barədə iki həftədən gec olmayaraq məlumat verilməlidir. Məlumat eyni zamanda Birliyin ofislərinin informasiya lövhəciklərində, veb saytında, qəzet və broşurlarında yerləşdirilməlidir 6.6 Yığıncağın aparılması qaydasını tədbirin aparılması üçün təyin olunmuş səlahiyyətli şəxs müəyyənləşdirir. Bu səlahiyyətli şəxs yığıncaqdan öncə İdarə Heyəti tərəfindən təyin olunur. 6.7 yığıncağın keçirilməsi üçün təyin olunmuş səlahiyyətli şəxs bir həftədən gec olmayaraq Yığıncağın gündəliyinin hazırlayaraq Birliyin təsisçilərinə, üzvlərinə və maraqları toxunulan digər şəxslərə göndərməlidir. Gündəlik 6.5-ci maddədə göstərildiyi kimi çap olunmalıdır 6.8 Təyin olunmuş səlahiyyətli şəxs gündəliyi hazırlayarkən müxtəlif maraqlar arasında tarazlığın qorunmasına və ya müxtəlif maraqları ifadə etmək üçün bərabər və əlverişli şərait yaratmasına çalışmalıdır 7. Səs vermə qaydası 7.1 Birliyin hər bir üzvü yalnız bir səsə malikdir. İdarə Heyətinin üzvləri, Birliyin Sədri və digər orqanlarının vəzifəli şəxsləri adi qaydada səs vermə hüququndan istifadə edirlər 7.2 Yalnız Birliyin İdarə Heyətinin və NTK üzvlərinin eləcə də Sədrin və Sədr müavininin seçilməsi gizlin səs vermə yolu ilə aparılır 7.3 Bir qayda olaraq Yığıncağın iclaslarında müzakirə olunan bütün məsələlər üzrə qərar sadə səs çoxluğu ilə qəbul olunur 7.4 Nizamnaməyə əlavə və dəyişikliklərin edilməsi, Birliyin yenidən təşkili və ləğv edilməsi barədə qərarların qəbulu üçün iştirakçıların üçdə iki səs çoxluğu tələb olunur 8. Səlahiyyətlər 8.1 Yığıncağın səlahiyyətlərinə aşağıdakılar aiddir: a) Birliyin Nizamnaməsinin qəbulu və ona dəyişikliklər edilməsi b) Birliyin əmlakının formalaşması və istifadə prinsiplərinin müəyyən edilməsi c) Birliyin icra orqanlarının yaradılması və onların səlahiyyətlərinin vaxtından əvvəl xitam verilməsi ç) illik hesabatın təsdiq edilməsi e) Birliyin yenidən təşkili və ləğv edilməsi ə) Birliyin icra orqanlarının rəhbərlərinin hesabatının dinlənməsi 8.2 Yığıncaq Birlik üçün mühüm əhəmiyyət daşıyan və başqa orqanlar tərəfindən həll edilə bilməyən, və ya həll edilə bildiyi təqdirdə şübhə doğuran məsələlər barəsində qərar vermək səlahiyyətinə malikdir 9. Yığıncağın qərarları və onların statusu 9.1 Yığıncağın qərarları Təyin olunmuş səlahiyyətli şəxs və Yığıncağın protokolunu tərtib edən katib tərəfindən imzalanmalıdır 9.2 Yığıncağın qərarları elan olunduğu andan qüvvəyə minir və Birliyin bütün üzvləri üçün məcburidir 9.3 Yığıncağın qəbul olunmuş qərarları üç iş günündən gec olmayaraq Birliyin daxili mətbu orqanlarında çap edilir, lövhəciklərə vurulur və veb səhifısində yerləşdirilir 9.4 Yığıncağın görüşlərinin protokolu aparılmalıdır. Protokol tərtib olunduqdan sonra yığıncağın aparılması üçün təyin edilmiş məsul şəxs və protokolu aparan katib tərəfindən imzalanmalıdır. Protokollar Birliyin daxili qaydalalrı ilə müəyyən edilmiş qaydada və formada arxivdə saxlanılmalıdır. III. İdarə Heyəti və ya Birliyin İcra orqanı (Direktorlar şurası) 10. İdarə Heyətinin məqsəd və vəzifələri 10.1 Birliyin fəaliyyətinə cari rəhbərliyi icra orqanı olan İdarə Heyəti həyata keçirir. 10.2 İdarə Heyəti kollegial orqandır 10.3 İdarə Heyətinin əsas məqsədi Birliyinin Nizamnaməsinin, daxili qaydalarının və digər tətbiq edilən normativ aktların carı icrasına, Birliyinin fəaliyyətinin ictimai maraqlara xidmət etməsinə nəzarət etmək və şəffaflığın qarantı olmaqdan ibarətdir 11. İdarə Heyətinin tərkibi 11.1 İdarə Heyəti Birliyin Sədri(katibindən), onun müavini və digər beş nəfərdən ibarətdir. 11.2 İdarə Heyətinin üzvləri bərabər hüquqa malikdirlər. 12. İdarə Heyətinə seçkilərin ümumi əsasları və namizədliyə aid olan tələblər 12.1 İdarə Heyətinə seçkilər iki ildən bir Ümumi Yığıncaqda sadə səs çoxluğu ilə seçilir. 12.2 İdarə Heyətinə namizədlər aşağıdakı tələblərə cavab verməlidir: a) Azərbaycan Respublikasının vətəndaşı olmaq və şəxsiyyət vəsiqəsinə sahib olmaq b) Ən azı 2 (iki) il Birliyin üzvü olmaq c) Ən azı 3 (üç) il gənclər və QHT işində təcrübəyə malik olmaq ç) Azərbaycan dilində səlist danışmaq və yazmaq d) Yüksək entuziazm, həvəs, yaradıçılıq, savad və bacarığa malik olmaq e) Ən azı Bakalavr təhsil dərəcəsinə malik olmaq 12.3 Yalnız fiziki şəxslər İdarə Heyətinin üzvü ola bilərlər 13. İdarə Heyətinə namizədliyin irəli sürülmə qaydası 13.1 İdarə Heyətinə namizədlik İdarə Heyəti, namizədliklərin birbaşa özü və ya Birliyin digər üzvləri tərəfindən irəli sürülə bilər. Namizədin özü və ya Birliyin digər üzvləri tərəfindən irəli sürüldüyü halda namizədliyin qəbul olunması üçün şəxs öz xeyrinə 10 nəfərdən az olmayaraq Birliyin üzvlərinin imzasını toplamalıdır 13.2.1 Yığıncağı Birliyin Sədri İdarə Heyətinin səlahiyyət müddəti bitməsinə 5 ay qalmış seçkilərin keçirilməsi barədə Birliyin üzvlərinə xəbər verir və bu Əsasnamənin 6.5-ci maddəsinə uyğun olaraq elan edilməlidir 13.2.2 Sədr öz sərəncamı ilə işçi qrupu yaradaraq namizədlərin sənədlərini qəbul edir 13.3 Yalnız bu Əsasnamədə göstərilən əsaslar olduqda namizədliyin qəbul edilməsindən imtina edilə bilər 13.4 Ümumi Yığıncağın görüşünün zamanı və məkanı İdarə Heyəti tərəfindən ən azı 4 (dörd) ay öncə təyin olunur və bu barədə Birliyin bütün üzvlərinə bu Əsasnamənin 6 mad. nəzərdə tutulan qaydada məlumat verilir. Sədr görüşə ən azı 2 (iki) ay qalmış hər bir üzvə e-mail, poçt və digər vasitələrlə Yığıncağın yeri və vaxtı barədə bildiriş göndərir. 13.5 Sədr və onun sərəncamı ilə yaradılmış işçi qrupu namizədlərin platformalarını Birliyinin üzvlərinə çatdırılması üçün işlər görməlidirlər. Platformalar tezis şəklində Birliyin hər bir üzvünün tanış ola bilməsi üçün Birliyin ofislərində asılacaqdır, veb səhifəsində yerləşdiriləcəkdir 13.6 Birlik və onun qismində Sədr bütün namizədlərə öz platformalarının təşviqatı üçün bərabər şərait yaratmağa borcludur 13.7 Təşviqat zamanı uyğun olmayan təşviqat üsullarından istifadə edən (maliyyə mükafatları, təzyiqlər, hədə qorxu, digər namizədlərin təhqir olunması və s.) namizədlərin namizədlikləri ləğv ediləcəkdir 13.8 Yığıncağa 2 (iki) ay qalmış namizədlərin qeydiyyatı dayandırılacaqdır. 14. Namizədlərə dair sənədlərin təqdim edilməsi və namizədliyin qəbulundan imtina 14.1 Namizədlər aşağıdakı sənədləri seçki elan olunduğu gündən 20 gündən gec olmayaraq Sədr yanında işçi qrupuna təqdim etməlidirlər: a) Şəxsiyyət vəsiqəsinin surəti b) özü və seçki dövrünədək gördüyü işlərin qısa təsviri (CV) c) tələb olunan təhsil dərəcəsini təsdiq edən sənədin surəti ç) Namizədin öz seçki platforması d) Namizədliyi qəbul olunması üçün Sədrə ünvanlanmış ərizə. 14.2 Aşağıdakı hallarda namizədliyin qəbul edilməsindən imtina edilə bilər: a) Bu maddənin birinci hissəsində göstərilən sənədləri təqdim etmədikdə və ya saxta sənəd təqdim etdikdə b) Sədr və onun yanında yaradılan işçi qrupunun fəaliyyətinə qanunsuz müdaxilə etdikdə, o cümlədən bu Əsasnamənin 11.7 maddəsində göstərilən əməllər törətdikdə c) bu Əsasnamədə göstərilən vaxt keçdikdə 15. Səs vermə qaydası 15.1 Yığıncağın idarə olunması üçün təyin olunmuş səlahiyyətli şəxs seçki prosesinin gedişatını müəyyənləşdirir. Bu zaman o üzvlərin seçki hüquqlarının hər hansı formada məhdudlaşdırılmasına və ya bu hüquqların tam həyata keçirilməsinin əngəlləyə biləcək qərar verə bilməz. Yığıncağın idarə olunması üçün təyin olunmuş səlahiyyətli şəxs cari seçkilərdə öz namizədliyini irəli sürə bilməz. 15.2 İdarə Heyətinin üzvləri gizlin, bərabər və fərdi əsaslarla keçirilən səs vermə nəticəsində seçilir 15.3 Üzvlər ancaq qeydiyyatdan keçmiş namizədə səs verə bilərlər. Sesvemə vəzifələr üzrə ardıcıllıqla keçirilir. 15.4 İdarə Heyyətinə seçkilər zamanı birinci üç ən çox səs toplamış namizədlər üzv seçilmiş hesab olunur və bu üzvlər yeni seçilmiş Sədr və Sədr müavini ilə birlikdə daha iki nəfər üzvü namizədlər arasında İdarə Heyyətinə seçirlər. 15.5 Seçkinin nəticələri seçki günü açıqlanmalıdır və bu Əsasnamənin 6.5-ci maddəsində göstərilən qaydada elan edilməlidir 16. İdarə Heyətinin iclasları 16.1 İdarə Heyətinin səlahiyyətləri yeni seçilmiş İdarə Heyətinin birinci iclası zamanı başa çatmış hesab olunur 16.2 İdarə Heyəti ayda bir dəfədən az olmayaraq növbəti görüşlər keçirəcəkdir. Ehtiyac yarandıqda növbədən kənar görüşlər keçirilə bilər. 16.3 Növbədən kənar iclas İdarə Heyətinin hər hansı bir üzvünün və ya Sədrin təşəbbüsü ilə keçirilir 16.4 İdarə Heyətinin növbəti görüşlərində sonrakı görüşün tarix və məkanı razılaşdırılır. 16.5 Sədr İdarə Heyətinin görüşünün gündəliyini müəyyənləşdirir və görüşlərə sədrlik edir. O İdarə Heyətinin üzvlərinə görüşdən iki həftədən az olmayaraq müddətə görüşdə müzakirə ediləcək məsəllər barədə məlumat göndərir 16.6 İdarə Heyətinin üzvlərinin yarısından çoxu iştirak etdikdə səlahiyyətli sayılır 16.7 Ehtiyac olduqda İdarə Heyətinin görüşlərinə təşkilatın üzvləri və işçiləri dəvət oluna bilər 17. İdarə Heyətinin səlahiyyətləri 17.1 İdarə Heyəti aşağıdakı səlahiyyətlərə malikdir: a) Birliyin üzvlüyünə qəbul edir və üzvlükdən azad edir b) Birliyin cari idarəçiliyini həyata keçirir c) Təşkilat adından təqdim olunan bütün layihələri təsdiq və ya rədd edir ç) Birliyin filiallarını yaradır və təsdiq edir d) Birliyin idarəetmə təlimatlarına dəyişiklik və əlavələri, həmçinin yeni təlimatların yaradılmasını təsdiq edir e) Birlik daxilində müxtəlif departamentlərin yaradılmasını təsdiq edir ə) Birliyin strateji planını təsdiq edir o) Birliyin növbəti dövr üçün fəaliyyət planını və büdcənı təsdiq edir ö) Birliyin şəbəkələrə, assosiasiyalara və digər qurumlara üzvlüyünü təsdiq edir u) Birliyinin digər daxili qaydaları ilə müəyyən edilən məsələlər üzrə qərar qəbul edir 17.2 İdarə Heyəti Birliyin maraqlarına toxunan, həll edilməsi Ümumi Yığıncaq və ya Birliyin digər orqanlarına aid edilməyən məsələlər üzrə də qərar verə bilər 18. Qərarların qəbulu və səs vermə proseduraları 18.1 İdarə Heyətində qərarlar müzakirə edilərək qəbul olunur. Bir qayda olaraq qərarlar sadə səs çoxluğu ilə qəbul olunur. 18.2 İdarə Heyyəti tərəfindən verilən bütün qərarlar protokollaşdırılır, Sədr və protokolu tərtib edən katib tərəfindən imzalanır 18.3 İdarə Heyətinin qərarları Birlik daxilində aidiyyəti şöbələrə və şəxslərə müvafiq addımların atılması üçün göndərilir 18.4 Qəbul olunmuş qərarlar üç iş günündən gec olmayaraq Birliyin daxili mətbu orqanlarında çap edilir, lövhəciklərə vurulur və veb səhifəsində yerləşdirilir 18.5 İdarə Heyətinin qərarları Birliyin bütün üzvləri üçün icbaridir. 19. İdarə Heyətinin üzvlərinin səlahiyyətlərin alınması əsasları və qaydası 19.1 İdarə Heyətinin üzvlərinin səlahiyyətlərinə aşağıdakı hallarda xitam verilir: a) Birliyinin Nizamnaməsini və digər daxili qaydaları kobud şəkildə pozduqda b) Məhkəmənin hökmü ilə cinayət törətməkdə təqsirli bilindikdə və azadlıqdan məhrum edildikdə c) Qeyri qanuni hərəkətlərə yol verdikdə (korrupsiya, AR qanunlarına zidd olan qərarlar və s.) ç) İdarə Heyətinin etik normalarını kobud surətdə pozduqda, əgər bu pozuntu mənfi nəticələrə gətirib çıxararsa d) Xəstəlik, yaşayış yerinin dəyişməsi və s. oxşar səbəblərdən öz vəzifəsini icra edə bilmədikdə 19.2 İdarə Heyətinin üzvlərinin səlahiyyətlərinə yalnız Yığıncaq tərəfindən xitam verilə bilər 19.3.1 Bu maddənin birinci hissəsində göstərilən hallar baş verdikdə İdarə Heyətinin Sədri öz sərəncamı ilə Birliyin 7 (yeddi) üzvündən ibarət komissiya yaradır. İdarə Heyətinin üzvləri komissiyaya daxil edilə bilməzlər 19.3.2 Komissiya 15 (on beş) gün ərzində İdarə Heyətinin üzvünün səlahiyyətlərinə xitam verilməsinin bu maddənin 17.1-ci göstərilən əsaslar olub-olmadığı araşdırılır. Belə əsaslar olduğu təqdirdə komissiyanın qərarı ilə məsələ Yığıncağın müzakirəsinə çıxarılır. Komissiyada qərarlar sadə səs çoxluğu ilə qəbul olunur 19.4 İdarə Heyətinin üzvünün səlahiyyətlərinə xitam verilməsi barədə qərar Yığıncağın iştirakçılarının üçdə iki səs çoxluğu ilə qəbul olunur 19.5 Səlahiyyətlərinə xitam verilən şəxs İdarə Heyətindən xaric edilir və boş qalan yerə bu Əsasnamədə göstərilən qaydada seçkilər keçirilir 19.6. İdarə Heyətindən xaric edilmiş üzvün (üzvlərin) yerinə təkrar seçkilər keçirilməyəcəkdir. İH-də boşalmış yerə yeni üzv (üzvlər) İH-nin üzvlərinin qərarı ilə təyin ediləcəkdir. IV. Sədr və Sədrin müavini 20. Sədr və Sədr müavininin ümumi vəzifələri 20.1 Sədrin əsas vəzifəsi Birliyin bütün daxili qərar və qaydaların icrasını təmin və nəzarət etməkdir. 20.2 Sədr həmçinin Birliyi təmsil edən şəxsdir 20.3 Sədrin müavini Sədrin köməkçisi funksiyasını icra edərək bu maddənin 1-ci hissəsində göstərilən vəzifəni yerinə yetirir. Sədrin müavinin bu maddənin ikinci hissəsində nəzərdə tutulan vəzifəni yalnız Birliyin Sədri icra edə bilmədikdə yerinə yetirə bilər 21. Sədr və Sədr müavini seçkilərinin ümumi əsasları və namizədliyə aid olan tələblər 21.1 Birliyin Sədri bu Əsasnamədə göstərilmiş qaydada Yığıncaq tərəfindən 2 (iki) il müddətinə seçilir 21.2 Sədrliyə namizəd aşağıdakı tələblərə cavab verməlidir: a) Yaşı 22 (iyirmi ikidən) aşağı olmamaq b) Ən azı 3 (üç) il Birliyin üzvü olmaq c) Ən azı 5 (beş) il gənclər və QHT işində təcrübəyə malik olmaq ç) Azərbaycan dilində yüksək ünsiyyət qurmaq bacarığı d) Yüksək entuziazm, həvəs, yaradıcılıq, savad və bacarığa malik olmaq e) Ən azı Bakalavr təhsil dərəcəsinə malik olmaq 22. Sədrin və Sədr müavininin seçilmə qaydası 22.1 Yığıncağın aparılması üçün təyin olunmuş səlahiyyətli şəxs seçki prosesinin gedişatını müəyyənləşdirir. Bu zaman o üzvlərin seçki hüquqlarının hər hansı formada məhdudlaşdırılmasına və ya bu hüquqların tam həyata keçirilməsinin əngəlləyə biləcək qərar verə bilməz 22.2. Sədr və Sədr Müavini gizlin, bərabər və fərdi əsaslarla keçirilən səs vermə nəticəsində seçilir 22.3. Üzvlər ancaq qeydiyyatdan keçmiş namizədə səs verə bilərlər. Sesvemə vəzifələr üzrə ardıcıllıqla keçirilir. 22.4 Seçkinin nəticələri seçki günü açıqlanmalıdır və bu Əsasnamənin 6.5-ci maddəsində göstərilən qaydada elan edilməlidir 23. Sədr və Sədr müavini vəzifələrinə namizədlərə dair sənədlərin təqdim edilməsi və namizədliyin qəbulundan imtina 23.1 Namizədlər aşağıdakı sənədləri bu Əsasnamənin 20.3-cü maddəsində göstərilən vaxtdan gec olmayaraq müvəqqəti sədrlik edənə təqdim etməlidirlər: a) Şəxsiyyət vəsiqəsinin surəti b) özü və seçki dövrünədək gördüyü işlərin qısa təsviri (CV) c) tələb olunan təhsil dərəcəsini təsdiq edən sənədin surətini ç) Namizədin öz seçki platforması d) Namizədliyi qəbul olunması üçün müvəqqəti sədrlik edənə ünvanlanmış ərizə. Ərizənin forması İdarə Heyəti tərəfindən təsdiq edilir 23.2 Aşağıdakı hallarda namizədliyi qəbul edilməsindən imtina edilə bilər: a) Bu maddənin birinci hissəsində göstərilən sənədləri təqdim etmədikdə və ya saxta sənəd təqdim etdikdə b) Müvəqqəti sədrlik edənin və İdarə Heyətinin fəaliyyətinə qanunsuz müdaxilə etdikdə, o cümlədən bu Əsasnamənin 11.7 maddəsində göstərilən əməllər törətdikdə c) bu Əsasnamədə göstərilən vaxt keçdikdə 24. Sədrin səlahiyyətləri 24.1 Birliyin Sədri aşağıdakı səlahiyyətlərə malikdir: a) Birliyin daxili qaydalarının icrasına nəzarət etmək b) Birliyi müxtəlif qurumlarda və tədbirlərdə təmsil etmək c) Birliyə işçilərin götürülməsi və işdən azad edilməsi ç) Təsdiq olunmuş büdcə layihəsi çərçivəsində vəsaitlərin səmərəli idarəçiliyini təmin etmək d) Təşkilatın maliyyə davamlılığını təmin etmək məqsədi ilə müxtəlif mənbələr araşdırmaq və konkret təkliflərlə İdarə Heyətində çıxış etmək e) Birliyin səmərəli fəaliyyətini təmin etmək üçün əlverişli iş mühitinin qurulmasını təmin etmək ə) Birliyin əmlakının təhlükəsizliyini təmin etmək o) Birliyin adından müqavilələr bağlayır, etibarnamələr verir ö) Yığıncağın və İdarə Heyətinin qərarlarının icrasını təşkil edir u) Birliyin daxili departamentlərini yaradır və təsdiqlənməsi üçün İdarə Heyətinə təqdim edir ü) Yığıncaq tərəfindən və Nizamnamə ilə onun üzərinə qoyulan digər funksiyaları həyata keçirir 25. Sədr müavinin səlahiyyətləri 25.1 Sədrin müavinin bu Əsasnamənin 23.1-ci maddəsində, həmin maddənin (b), (o) və (u) bəndləri istisna olmaqla, nəzərdə tutulan bütün səlahiyyətləri həyata keçirir. Bu zaman o Sədrin köməkçisi kimi Sədrə tabedir 25.2 Sədr bu Əsasnamənin 23.1-ci maddəsinin (b), (o) və (u) bəndlərində göstərilən səlahiyyətləri icra edə bilməzsə və onların icrasında ehtiyac yaranarsa, bu zaman Sədrin müavinin həmin səlahiyyətləri icra etmək səlahiyyətlərinə malikdir 25.3. Birliyin Sədri öz səlahiyyətlərini müvəqqəti icra edə bilmədikdə O, Sədrin səlahiyyətlərinin müvəqqəti icrasını imzalanmış daxili memorandum vasitəsi ilə Sədr müavininə ötürəcəkdir. 26. Sədrin və Sədr müavininin səlahiyyətlərin alınması əsasları və qaydası 26.1 Sədrin səlahiyyətləri aşağıdakı hallarda alına bilər: a) Səlahiyyətlərinin icrasının davamlı olaraq öhdəsindən gəlmədikdə b) Öz səlahiyyətləri xaricində olan qərarlar verdikdə c) Qeyri etik davranışlara yol verildikdə (seksual təzyiq, narkotiklərə və alkoqolizmə qurşanma və s.) ç) Qeyri qanuni hərəkətlərə yol verdikdə (korrupsiya, AR qanunlarına zidd olan qərarlar və s.) c) İdarə Həyəti tərəfindən tələb olunan hesabatları cavablandırmadıqda d) Xəstəlik, yaşayış yerinin dəyişməsi və s. oxşar səbəblərdən öz vəzifəsini icra edə bilmədikdə 26.2 Bu maddənin birinci hissəsində göstərilən əsaslardan hər hansı biri olduqda İdarə Heyətinin üzvlərindən birinin və ya bir neçəsinin təşəbbüsü ilə məsələnin müzakirə olunması üçün İdarə Heyətinin görüşü təyin olunur. 26.3. İH iclasın gününü və saatını müəyyənləşdirəcəkdir. 26.4 İclas zamanı bu maddənin birinci hissəsində nəzərdə tutulan halların olub-olmamağı araşdırılır və bu barədə qərar qəbul edilir. Sədrin səlahiyyətləri alınması barədə qərar İdarə Heyətinin üzvlərinin üçdə iki səs çoxluğu ilə qəbul edilir. Səlahiyyətləri müzakirə mövzusu olan şəxs səs vermədə iştirak etmir. 26.5 İH-ti Sədr və/və ya Sədr Müavininin səlahiyyətlərinin dondurulmasını qərara alarsa həmin şəxslər növbədən kənar seçkilər keçirilənədək səlahiyyətlərinin icrasından kənarlaşdırılacaqdılar. 26.6 Sədrin və ya Sədr Müavinin səlahiyyətlərini müvəqqəti olaraq Sədr və ya Sədrin müavini icra edir. Bu mümkün olmadıqda İdarə Heyəti Sədrin səlahiyyətlərinin müvəqqəti icrasını sadə səs çoxluğu ilə qəbul edilən qərarla İdarə Heyətinin üzvlərindən birinə tapşırır 27. Sədrin qərarları, onların hüquqi formaları 27.1 Sədrin qərarları imzalandığı gündən qüvvəyə minir və aidiyyəti olan şəxslər üçün icra edilməsi məcburidir 27.2 Qərarlar üç gündən gec olmayaraq bu Əsasnamənin 6.5-ci maddəsində göstərilən qayda da elan edilməlidir V. Nəzarət Təftiş Komissiyası 28. Nəzarət Təftiş Komissiyyasına(NTK) dair Azərbaycan Respublikasının qanunu NTK Birliyin seçkili orqanlarının, vəzifəli şəxslərin və üzvlərinin fəaliyyətinin Birliyin Nizamnaməsinə uyğun olması, Birliyin maliyyə fəaliyyəti üzərində nəzarət həyata keçirir. NTK-nın say tərkibini Birliyin ümumi yığıncağı müəyyən edir. 28.1. NTK Birliyin orqanlarından və üzvlərindən daxil olan ərizələrə bir ay ərzində baxıb cavab verməlidir. 28.2. NTK-nın fəaliyyəti Birliyin NTK haqqında Nizamnaməsi ilə tənzimlənir. 29 NTK-na dair ümumi müddəalar. 29.1. NTK Birliyin daxili nəzarət orqanıdır. 29.2. NTK Birliyin üzvlərinin Ümumi Yığıncağı (Ali idarə etmə orqanı) tərəfindən bir il müddətinə Birliyin üzvlərinin sayının çox olmadığından Birlikdə NTK- nın vəzifələrini üç şəxs yerinə yetirəcəkdir. 29.3. NTK öz fəaliyyətini QHT-lər haqqında Azərbaycan Respublikasının Qanununa, Birliyin Nizamnaməsinə və onun üzvlərinin Ümumi Yığıncağının qərarlarına uyğun həyata keçirilir. 29.4. Birliyin İdarə Heyyəti NTK qarşısında xüsusi tapşırıqlar qoya bilər. 30 NTK-nın üzvlüyü üçün tələb olunan seçim meyarları. 30.1. NTK-nın tərkibinə İdarə heyyətinin (Direktorlar Şurasının və ya icra orqanının) Sədri və üzvləri, eləcə də onların həyat yoldaşları,valideyinləri,uşaqları,nəvələri,qardaşları,bacıları(onların həyat yoldaşları) seçilə bilməzlər. 30.2. Birliyin NTK-na üzvülüyünə üzvülüyə fəaliyyət qabiliyyəti məhdudlaşdırılmayan və zəruri peşə biliklərinə və praktiki iş təcrübəsinə malik olan Birliyin üzvü olan şəxslər seçilə bilərlər. 30.3. NTK-nın üzvlərinin seçilməsi haqqında Birliyin üzvlərinin Ümumi Yığıncağının qərarı hər bir namizəd üzrə ayrı-ayrılıqda qəbul edilir.Qərar namizədin lehinə Birliyin üzvlərinin sadə səs çoxluğu ilə (namizədlərdən ən çox səs toplayan) qəbul edilmiş sayılır. 30.5. Birliyin daxili strukturu,siyasət və prosedurları ilə yaxından tanış olmalı. 31 NTK-nın üzvlərinin üzvülüyünə xitam verilməsi 31.1. Aşağıdakı hallarda NTK-nın üzvlərinin səlahiyyətlərinə xitam verilə bilər : - Üzvlərin seçim müddətinin başa çatması; - Səlahiyyətlərinin icrasının öhdəsindən gəlmədikdə; - Öz səlahiyyətləri xaricində olan işlərə müdaxilə etdikdə; - Qeyri qanuni hərəkətlərə yol verdikdə (korrupsiya, AR qanunlarına zidd olan qərarlar və s.); - İdarə Heyyəti tərəfindən tələb olunan hesabatları vaxtında cavablandırmadıqda; 31.2. NTK-nın üzvlərinin səlahiyyətlərinə vaxtından əvvəl xitam verilməsi Birliyin İdarə Heyyətinin Yığıncağının qərarına əsasən həyata keçirilir. 31.3. Birliyin İdarə Heyyətinin üzvlərinin sadə səs çoxluğu ilə NTK –ya vaxtından əvvəl yenidən seçkilər keçirilə bilər. 32. NTK-nın üzvlərinin hesabatı 32.1. NTK üzvləri apardıqları təftişlərin hesabatlarını Birliyin İdarə Heyyətinə zamanında verməlidirlər. 32.2. NTK tərəfindən aparılan araşdırmaların nəticələrinə dair hazırlanmış hesabatlar Birliyin bütün üzvləri üçün açıq hesab edilir və istənilən vaxt həqiqi üzvlər tərəfindən nəzərdən keçirilə bilər. Bunun üçün Birliyin üzvü Ofis Menecerinə yaxınlaşmaqla araşdırmaların nəticələri ilə tanış olmaq üçün müraciət edə bilər. 32.3. NTK üzvləri Ümumi Yığıncağı Mandatları müddətində aparılan yoxlamaların əsas icmalı ilə tanış etməlidirlər. 33. NTK-nın səlahiyyətləri 33.1. Birliyin NTK-nın səlahiyyətlərinə aşağıdakılar daxildir: - Birliyin İdarə Heyyətinin və onun Sədri tərəfindən Birliyin Ümumi Yığıncağının qərarlarının yerinə yetirilməsinə müntəzəm şəkildə nəzarət etmək; - Birliyin İdarə Heyyəti və Sədri tərəfindən bağlanmış mülki-hüquqi əqdlərin qanuniliyinin, eləcə də Birliyin orqanları tərəfindən bu Nizamnamənin və təşkilatın fəaliyyətini tənzimləyən hüquqi-normativ aktların tələblərinə riayət olunmasının qanuniliyinin və əmlakının vəziyyətinə nəzarət edir. - Birliyin ildə bir dəfədən az olmayaraq maliyyə-təsərrüfat fəaliyyətinin təftişini aparır. - Birliyin İdarə orqanının fəaliyyətində aşkarlanan qanun pozuntuları haqqında Birliyin İdarə heyyətinə dərhal məruzə etməlidir. 34. NTK-nın fəaliyyət qaydaları 34.1. NTK öz fəaliyyətini iclaslar,planlı və plandankənar təftişlər,eləcə də NTK tərəfindən müəyyən olunmuş digər formalarda həyata keçirir 34.2. NTK-nın iclaslarında bu orqanın üzvlərinin 2/3 iştirak etdikdə, həmin iclaslar yetərsay sayılır. 34.3. İclaslar NTK-nın müəyyən etdiyi cədvələ uyğun olaraq Gələcəyə Körpü Gənclər İctimai Birliyinin ofisində həyata keçirilir. 34.4. NTK-nın iclaslarında məsələlərin müzakirəyə çıxarılması,Birliyin Ümumi Yığıncağı və İdarə heyyətinin təklifi ilə həyata keçirilir. 34.5. NTK-nın iclaslarının təşkilini NTK-nın üzvləri öz aralarında təmin edir. 34.6. NTK-nın iclaslarında qərarlar açıq səs vermə yolu ilə qəbul edilir. 34.7. NTK-nın hər bir iclaslarında protokollar aparılır. 34.8. NTK-nın protokollarında aşağıdakı məlumatlar əks olunmalıdır : - NTK-nın iclaslarının keçirilmə yeri və vaxtı haqqında - NTK-nın üzvlərinin ümumi sayı və iclaslarda iştirak edən üzvlərin sayı haqqında - NTK-nın iclaslarında çıxış edən şəxslər və onların çıxışlarının əsas müddəaları haqqında - NTK-nın İdarə heyyəti üçün hazırladıqları təklif paketlərinə dair səsvermənin nəticələri haqqında 34.9. NTK-nın iclaslarının protokollarının bütün nüsxələri NTK-nın üzvləri tərəfindən imzalanır və Birliyin möhürü ilə təsdiqlənir. 35. NTK üzvlərinin seçim qaydası 35.1. NTK üzvlüyünə gizlin, bərabər və fərdi əsaslarla keçirilən səs vermə nəticəsində seçilir 35.2. Üzvlər ancaq qeydiyyatdan keçmiş namizədə səs verə bilərlər. Sesvemə vəzifələr üzrə ardıcıllıqla keçirilir. 35.3. NTK üzvlüyünə seçkilər zamanı birinic üç ən çox səs toplamış namizədlər üzv seçilmiş hesab olunur. 35.4. Seçkinin nəticələri seçki günü açıqlanmalıdır və bu Əsasnamənin 6.5-ci maddəsində göstərilən qaydada elan edilməlidir
|
